Kavithaigal - கவிதைகள்

Saturday, 14 February 2015

கை படாத காதல் என்றும்
கற்றுக் கொள்ள வேண்டிய காதல் !!!

திரும்பாத பெண்ணாய் நீ
திருந்தாமல் தொடர்கிறேன் நான் !!!

கரு விழியோரம்
கசிந்த காதல்
காற்றில் உலர்ந்து
உரு மறையாமல்
திருமணமாகி
கரு உருவானால்
காதல் என்றும்
கற்புடையது தான் !!!

எதையும் முடிந்தளவு கணிக்கும் சோதிடம்
கலங்கும் கணித்துச் சொல்வதில் !
யாருக்கு வரும் காதல் யார் மீதென்று !!!

பணம் மட்டும் தெரிந்தால் வியாபாரம்
காமம் மட்டும் இருந்தால் விபச்சாரம்

அன்பு மட்டும் தொடர்ந்தால் காதல் !!!

பெற்றெடுப்பது தாயாக இருப்பினும்
முதலில் குழந்தையைப் பார்ப்பது
மற்றவர் தான் !!!

பிரச்சனை நேரத்தில் பின்வாங்கும்
உறவாக இல்லாமல்
கை தூக்கிவிடும் நம்பிக்கையாக
உள்ள உறவின்
பிறந்த நாளே நண்பர்கள் தினம் !!!

ஊதா நிறத்தில் இரத்தம்
காகிதத்தோடு உறவாடும் நித்தம்
முடிந்தவுடன் அடங்கிடும் சித்தம் !!!

இறுகக் கட்டிப் போட்டாலும்
சுகம் தான் !!!
அன்புக் கயிறாக இருக்கும்
பட்சத்தில் !!!

பூ பூக்கும் போது
அழகான கர்வத்தோடு பூக்கிறது காலையில் !!!
உன்னைப் பார்த்த பின்
வெட்கிச் சாய்கிறது அந்தி மாலையில் !!!