அழகான முரண்

பெற்றெடுப்பது தாயாக இருப்பினும்
முதலில் குழந்தையைப் பார்ப்பது
மற்றவர் தான் !!!

நண்பர்கள் தினம்

பிரச்சனை நேரத்தில் பின்வாங்கும் 
உறவாக இல்லாமல் 
கை தூக்கிவிடும் நம்பிக்கையாக
உள்ள உறவின் 
பிறந்த நாளே  நண்பர்கள் தினம் !!!

பேனா

ஊதா நிறத்தில் இரத்தம்
காகிதத்தோடு உறவாடும் நித்தம்
முடிந்தவுடன் அடங்கிடும் சித்தம் !!!

அன்பு

இறுகக் கட்டிப் போட்டாலும்
சுகம் தான் !!!
அன்புக் கயிறாக இருக்கும் 
பட்சத்தில் !!!

பூ

பூ பூக்கும் போது
அழகான கர்வத்தோடு பூக்கிறது காலையில் !!!
உன்னைப் பார்த்த பின்
வெட்கிச் சாய்கிறது அந்தி மாலையில் !!!

பூ

பூக்கள் பூப்பது 
பூவையின் பின்னந்தலையும் 
புன்னகைக்கத் தான் !!!

மாது

கண்ணில் விழும் போது 
மயக்கம் தரும் மாது 
நெஞ்சில் விழும் போது
காதல் தரும் தூது
மஞ்சத்தில் விழும் போது
பரம்பரை தரும் மாது
வஞ்சத்தில் விழும் போது
பிரிவு தரும் தூது
இன்பத்தில் விழும் போது
இயக்கம் தரும் மாது
துன்பத்தில் விழும் போது
துவழ்ச்சி தரும் தூது 
ஊக்கத்தில் விழும் போது
உயர்ச்சி தரும் மாது
ஏக்கத்தில் விழும் போது
இரக்கம் தரும் தூது 
மாது விழும் போது
தூது  தரும் மாது  !!!

மது

மற்ற அனைத்தையும் மறக்கச்   செய்யும் 
மறக்காமல் தினமும் குடிக்க செய்யும் !!!

ஓவியர்

சித்திரங்களை வரையும் 
போது விழும் 
சிறு துளிகளையும்   
அழகான உருவமாய் 
படைக்கும் உழைப்பாளி !!!

இதயம்

உன்னை என் இதயத்தில் வைத்தேன்
ஏனென்றால் தூங்கும் போது கூட
அது மட்டும் தான் துடித்து 
நம் அன்பின் ஆயுளை அதிகரிக்கும் !!!

மனைவி சமையல்

சிக்கனையும் மட்டனையும் வறுவலையும் பொரியலையும் 
சுவைத்துச் சாப்பிடத் துடிக்கும் நாக்கு
அதைத் தயாரித்த கைகளின் வலிக்கு
ஆறுதல் சொல்ல அவ்வளவாகத் துடிப்பதில்லை !!!

தேர்தல்

கைக்கும்
மைக்கும்
மெய்க்கும் 
பொய்க்கும்
புரட்சிக்கும்
வீழ்ச்சிக்கும்
பணத்துக்கும்
பொருளுக்கும்
பதவிக்கும்
பட்டத்துக்கும் !!!

பதில் சொல்

தினம் தினம் 
தேதி மாறும் 
நேரம் மாறும் 
உன் மனம் மாறுமா 
என் கரம் சேருமா 

என் அகம் புறம் 
இரண்டும் சுற்றிச் சுழலுவது 
உன் இடம் வலம் 

இன்று போய் நாளை வா 
என்று சொல்லாமல் 
இன்றே உன் முடிவை
உன் பூவாய் திறந்து
சொல் மாலை கோர்த்து 
எனக்கு மலர் மாலை
அணிவிப்பாயா ???

தென்றல்

காற்று 
உன்னைத் தொட்டதால் 
தென்றலாய் மாறியதோ ???

புன்னகை

கவிதை எழுதும் 
போது புன்னகைத்தாள் !!!
புதுக்காவியம் எழுதினேன் !!!

சகிப்புத் தன்மை

சகித்து கொள்ளும் போது தான்
சரித்திரத்தில் இடம் பெற முடியும் !!!

குடி - மது

தள்ளாடாத வயதில் தள்ளாட வைத்து
அறுபதை இருபதில் காட்டும் time machine !!!

சாலை

விதிகளை மதித்தால்
வாழ்க்கைப் பயணத்தை அனுமதிக்கும் !!!
விதிகளை மிதித்தால் 
வாழ்க்கைப் பயணத்தை முடிக்கும் !!!

புற்றுநோய்

மது
புகையிலை
சிகரெட் 
பாக்கு
வாங்கினால்
புற்றுநோய் இலவசம் !!!

கடற்கரை

மக்கள் அனைவரும் வந்து மகிழுமிடம்
மீன்கள் வந்து இளைப்பாற முடியவில்லையே !!!