Wednesday 29 February 2012

குடை

தற்காலிக நிழல் தரும்
தரு இது வெயில் காலத்தில் !!!
தலை நனையாமல் தடுக்கும்
தலைகீழ் தாமரை இது மழைக் காலத்தில் !!!

Tuesday 28 February 2012

இழப்பு

வேலை செய்ய மறந்தால்
வருமானம் இழப்பு
கொடுத்த வாக்கு மறந்தால்
மதிப்பு இழப்பு
உடை உடுக்க மறந்தால்
மானம் இழப்பு
உயிர் காக்க மறந்தால்
மனிதம் இழப்பு
உதவி செய்ய மறந்தால்
புண்ணியம் இழப்பு
செய்த நன்றி மறந்தால்
கண்ணியம் இழப்பு  
நல்ல நண்பனை மறந்தால்
மாபெரும் இழப்பு
மூச்சு விட மறந்தால்
உயிர் இழப்பு
நாம் மறப்பதை மறந்தால்
இழப்பை இழக்கலாம் !!!

Sunday 26 February 2012

சாலையில் விபத்து

ஏதாவது அடி பட்டிருக்கிறதா என்று
தன் வண்டியைச் சுற்றிச் சுற்றி ஆய்வு
வண்டியில் அடிபட்ட உடம்பு துடித்து ஓய்வு
வலி புரியாத வண்டியைத் தடவிக் கொடுத்தல்
வலியால் துடிக்கும் உடம்பை அவமதித்தல்
உயிரற்ற பொருளை பெறலாம் உடைந்தால்  
நேரம் ஆனால் பெற முடியாது உடம்பு சிதைந்தால்
மனித உடம்புக்குக் கொடு முன்னுரிமை
அவர் சந்ததியும் மறவாது உன்னருமை !!! 

Friday 10 February 2012

கத்தி

கூராக இருக்கும்
சீராகப் பிரிக்கும் !!!

Thursday 9 February 2012

கொலைவெறி - கொலவெறி

தமிழைக் கொல்வதில் தமிழ் நடிகைகளுக்கு
தமிழர் விவசாயத்தைக் கொல்வதில் கேரளனுக்கு
தமிழனைக் கொல்வதில் சிங்களனுக்கு !!!

காதல்


இளமை வயலில் ஏதோ குறை 
இது வந்ததும் செழிப்பு நிறை !!!

Thursday 2 February 2012

காதல்

உடலின் அனைத்து உணர்ச்சிகளையும் உணர வைக்கும்
உள்ளத்தின் அனைத்து உணர்வுகளையும் புரிய வைக்கும் !!!

Wednesday 1 February 2012

இதுவும் காதல் தான்

அன்பு
ஆறுதல்
இன்பம்
ஈர்ப்பு
உரிமை
ஊடல்
எதிர்ப்பு
ஏளனம்
ஐயம்
ஒடுக்கம்  
ஓட்டம்
ஔளோதான்
ஹி ஹி ஹி !!!