வாட்ஸ் அப்

சிறிய
கைபேசியில்
சிறகை
விரித்து
உலகை
வலம்
வரும்
சிறைப்பறவை !!!

மறப்போம்

இமைக்க மறந்தால் தான் 
தூக்கம் !!!
பகைக்க மறந்தால் தான் 
நட்பு !!!
சோம்பலை மறந்தால் தான் 
சுறுசுறுப்பு !!!
கோபத்தை மறந்தால் தான் 
குதூகலம் !!!
துன்பத்தை மறந்தால் தான் 
இன்பம் !!!
இது போன்றதை மறப்போம் !!! 
வாழ்க்கையில் சிறப்போம் !!!

-- விஜயகுமார்.இரா

நேரம்

நிழலின் உருவம் கூட மாறும் 
நேரம் மாறும் போது !!!
படும் துன்பங்கள் யாவும் மாறும் 
நேரம் வரும் போது !!!

மெய் மறந்தேன் 

என் கண்மணி 
கடித்துப் பழக 
என் கன்னங்கள் !!!
அடாவடியாகக் கடித்தாலும் 
அன்பு மேலோங்கும் 
மனம் புத்துணர்ச்சி பெறும் 
மெய் மறக்கச் செய்யும் !!!
ஒரு கடி போதும் 
உலகம் மறந்து போகும் !!!

படம் உபயம் - யாரோ - நன்றி

அன்னையர் தினம்

உடம்புக்குள் உதை வாங்கி 
உடல் வருத்தி உருவம் கொடுத்து 
அன்பாலே வளர்த்த அம்மாவை 
மன உளைச்சலுக்கு  ஆளாக்காமல் 
மன நிம்மதியோடு வாழவைப்போம் !!!
வணங்கிடுவோம் !!!
போற்றிடுவோம் !!!

சுயமரியாதை

நம் சுயசரிதை தெரியாதவரிடம் இழக்கக்
கூடாத ஒன்று !!!
நம்மை அறிந்தவரிடம்
எதிர்பார்க்காமல்
இருப்பது நன்று !!!

உறவு

அனாதைக்குத் தான் தெரியும்
உறவின் அருமை ! பெருமை !! வலிமை !!!

சிகரெட்டின் கோபம்

என்னை அழித்தால் 
உன்னை அழிப்பேன் !!!

முயற்சி

நினைக்கும் போது நடக்கவில்லை யெனில் 
நடக்கும் வரை நினைப்பதை நோக்கி நட !!!

தண்ணீர் தினம்

நீர் வீணடிப்பு 
உருவம் இல்லாத தண்ணீரை 
உலகில் இல்லாததாய் மாற்றிவிடும் !!!